Di daxuyaniya hatî dayîn de, qala herêma tampon a Xezeyê hate kirin. Ku ev herêma tampon heta sînorê Misir û Îsraîlê digire nava xwe. Hate diyarkirin ku artêşê ‘di nava çend saetên dawî de ji bo berfirehkirina herêma ewlehiyê, li herêma Şuaciyeyê dest bi liv û tevgera bejahî kiriye’.
FERMANDAREKÎ HAMASÊ MIR
Artêşa Îsraîlê ragihand ku di êrîşên ku tevahiya şevê li ser Saida ya li başûrê Lubnanê pêk anîn de, fermandarekî Hamasê kuştine. Hat diyarkirin ku Hasan Ferhat ê hatî hedefgirtin, fermandarê baskê Hamasê yê li Lubnanê bû.
DI ÊRÎŞA LI SER DIBISTANÊ DE, 31 KES MIRIN
Li aliyê din, li gorî rayedarên parastina sivîl a Xezeyê, artêşa Îsraîlê roja Pêncşemê dibistaneke ku kesên li Xezeyê ji cihên xwe bûbûn lê diman, bombebaran kir û di encamê de 31 kes mirin, zêdeyî 100 kes jî birîndar bûn.
Hamasê êrîş şermezar kir û got, “Hikûmeta Îsraîlê li Xezeyê weke dewama qirkirinê hîn jî sivîlan hedef digire.”
Komîserê Bilind ê Mafên Mirovan a Neteweyên Yekbûyî (NY) Volker Turk bal kişand ser ‘sûcekî şer ku 23’yê Adara 2025’an Îsraîlê gule li ambulansan reşand û di encamê de 15 kes mirin’.
Artêşa Îsraîlê got, ew vê ‘bûyera’ li başûrê Xezeyê qewimiye lêpirsîn dike, lê belê îdîa kir ku wan gule li “terorîstan” reşandiye.
