Cenazeyê Bêstûn Abdullah yê ku ji ber vemirandina şewata li daristanên Pênciwên birîndar bibû û piştî dermankirina du heman jiyana xwe ji dest da, bi merasîmeke girseyî li gundê Kawawa yê Penciwênê hat veşartin. Di merasîmê de jîngehparêzan xwestin kesên bûne sedema şewatê divê werin cezakirin.
Di merasîma veşartina cenaze de ji bilî malbatê, dost, xizim, jîngehparêz û xelkê navçeyê amade bûn.
Hêjayî bibîr xistinê ye 27’ê Tebaxa îsal agir bi daristanên gundê Mesu û Helalawe ya ser bi navçeya Pênciwên ketibû. Bêstûn Abdullah û Alan Yusif ji bo vemirandinê ketibûn nava liv û tevgerê lê şewitîbûn.
Alan Yusif ji ber giraniya birîna xwe 24’ê Îlona 2025’an jiyana xwe ji dest dabû, Bêstûn Abdullah jî duh ji ber giraniya birînên xwe li nexweşxaneyê jiyana xwe ji dest da.
