Di lêpirsîna ku ji hêla Serdozgeriya Komarê ya Enqereyê ve derbarê Şaredariya Etimesgutê dihat meşandin de, 55 kesên ku di 29’ê Tîrmehê de hatibûn binçavkirin û di nav wan de Şaredar Erdal Beşîkçîoglu jî hebû, piştî karûbarên li emniyetê sewqî dozgeriyê hatin kirin.
Piştî îfadeyên li dozgeriyê, 44 kes ku Beşîkçîoglu jî di nav wan de bû bi daxwaza girtinê, 10 kes jî bi daxwaza kontrola edlî sewqî Dadgeha Ceza ya Sulhê hatin kirin.
Dadgehê biryara girtina 40 kesên ku Beşîkçîoglu jî di nav wan de ye da û biryar da ku 14 kes bi şerta kontrola edlî serbest werin berdan.
