Gelên Bakur û Rojhilatê Sûriyeyê di 8’ê Çileyê de bi riya konvoyan ber bi Bendava Tişrînê ve bi rê ketin, ruxmî ku êrîşên bê navber li wir hebûn û li ser rêyê gel dihatin hedefgirtin jî, gel li ber xwe da û xwedî li bendava qibleya berxwedanê, derket.
Kesên li wir jî bi riya stranên xwe bersiv didan êrîşan û bi riya dengbêjî û stranên şoreşgerî bersiv didan wan êrîşan.
Li ser bendavê bi rojane li her qurzîkekê stran tên gotin. Stranên şoreşgerî û stranên gelêrî yên têkildarî berxwedaniya gelê Kurd, timî dihatin gotin.
Jinên ciwan jî li dora hev kom dibin û bi riya stranên xwe yên şoreşgerî û bi dirûşmeya ‘Jin Jiyan Azadî’ bersiva êrîşan didan.
