Li gundê Lêwjê ya Binarê Qendîlê bi pêşengtiya Şaredariya Binarê Qendîlê û tevlîbûna girseyek zêde ya welatiyan 4’ê Nîsanê Rojbûna Rêber Apo bi çalakiyekê hate pîrozkirin.
Di pîrozbahiyê de Hevşaredar Dilşêr Îbrahîm axivî û 4’ê Nîsanê rojbûna Rêber Apo li gelê Kurd, gerîlayan pîroz kir. Dilşêr Îbrahîm anî ziman ku rojbûna Rêber Apo roja zindîbûna gelê Kurd e û got: “Rêbereke hemû temenê xwe ji bo xebatê û gelê xwe feda kir, ji bo wê divê em hemû xwedî li Rêber apo derkevin.”
Hevşaredar bal kişand ser peyama Rêber Apo û diyar kir ku ev peyam ne tenê ji bo gelê Kurd ji bo hemû Rojhilata Navîn girîng e û got: “Rêber Apo û PKK’ê gav avêt niha berpirsyarî li aliyê dewleta Tirkiye ye, divê êdî pêngavek bavêje.”
Piştî axaftinan dar hatin çandin û pîrozbahî bi gerandina govendê û qîrkirina dirûşman dawî bû.
