Li Zanîngeha navçeya Koye ya Silêmaniyê bi çalakiyekê qurbaniyên salvegera 38’emîn a Komkujiya Enfalê hatin bibîranîn.
Rêveberê Ragihandina Zaîngeha Koye Mihemed Egîd Gulndi bîranînê de axivî û got: “Îro em salvegera Enfala Koyê bi çalakiyên cihêreng bibîr tînin. Çalakiyên îsal ji salên din cudatirin. Yek ji van çalakiyan jî nîşandana 3 fîlmên belgeyî û dokumenterî ku yek jê bi mejiyê zîrek hatî çêkirin ku çîroka keçeke êkane ya malbatê bû. Her wiha pêşangehek jî hat vekirin.”
Rêvebera Şehîdan û Enfalkiriyan Tavge Heme Salih jî diyar kir ku wan bi hevkariya Zanîngeha Koyê merasîma bîranîna Enfalê li dar xistin.
Keça tekane ya ji Enfalê rizgar bûyî Hewar Qadir anî ziman ku wê rojê gundê Koptepe şahidî ji kîmyabaranê re kir û got : “Wê rojê dayîk, bav û biaryên min şehîd bûn. Ez ne li gel wan bûm. Ji wê rojê heta niha bandora kîmyabaranê li ser min dawî nebûye. Nexweşiya nefestengiyê li min peyda bûye.
Hewar Qadir rexne li hikûmetê girt û got: “Hikûmeta niha mûçeyê dayik û bavê min qut kiriye.
