Komeke aligirên demokrasiyê ragihand ku artêşê roja Yekşemê mizgefta li bajarokê Wad Madanî yê li navenda Sûdanê hedef girtiye û di encama êrîşa hewayî de herî kêm 31 kesan jiyana xwe ji dest dane.
Koma bi navê Komîteya Berxwedanê ya Wad Madanî daxuyaniyek da AFP’ê û ragihand ku êrîş li bajarokê li başûrê bajarê Hartûmê piştî nimêja êvarê pêk hatiye.
Hate ragihandin ku nasnameya gelek kesên ku jiyana xwe ji dest dane nehatiye tespîtkirin û tîmên rizgarkirinê li cihê bûyerê xebatên xwe didomîne.
Li gorî Neteweyên Yekbûyî (NY) ji 10 milyonî zêdetir însan ji ber şerê li Sûdanê neçar mane ku cih û warên xwe biterikînin û aliyên şer dikin bi qestî sivîlan hedef digirin û dibin asteng ku alikariyên mirovî bigihîjin cihên hewcehî pê heyî.
Beriya niha Rêxistina Bijîşkên Sînornenas têkildarî bêewlehiya xidayan hişyarî dabûn û bang li her du aliyan kiribû ku li pêşiya alikariyên mirovî nebin asteng û rewşa li Sûdanê weke ‘’talûkeye pir mezin’’ pênase kiribû.
