Serokê şaredariya bajêr roja Yekşemê daxuyaniyek da û diyar kir ku di encama êrîşeke bi fuzeyan a Rûs de li bajarê Sumi yê li bakurrojhilatê Ûkraynayê gelek kes hatin kuştin.
Şaredar Artem Kobzar li ser hesabê xwe yê medya dîjîtal daxuyanî da û got, “Îro piştî êrîşeke bi fuzeyê bi dehan kes mirin.”
Heman rayedarî got, “Dijmin careke din êrîş bir ser sivîlan.”
Servîsên lezgîn ên li cihê bûyerê hejmar eşkere kirin û diyar kirin ku herî kêm 31 kesan jiyana xwe ji dest dan ku 2 ji wan zarok bûn û 84 kes jî birîndar bûn ku 10 ji wan zarok in.
Êrîş du roj piştî serdana payebilindekî Dewletên Yekbûyî yên Emerîkayê ya li Rûsyayê hate kirin.
Ev êrîş êrîşa herî kujer a mehên dawî ya li Ûkraynayê bû.
Serokdewletê Ûkraynayê Volodimir Zelenskiy li ser mijarê li ser X’ê daxuyaniyek da û got, “Li Sumiyê êrîşa bi fuzeya balîstîk a metirsîdar a Rûs.”
Zelenskiy got, “Li gorî raporên destpêkê bi dehan sivîl mirin, bi dehan jî birîndar bûn. Û ev yek di rojeke welê de hate kirin ku mirov diçûn dêrê.”
Serokdewlet got, “Tenê namerd dikarin tiştekî bi vî rengî bikin.”
Rêveberiya leşkerî ya herêmî diyar kir ku bi du fuzeyên balîstîk navenda bajêr hatiye bombekirin.
