Akademîsyen Diego Castro û ji Înîsiyatîfa Azadî ji Abdullah Ocalan re nûnerek beşdarî çalakiyê bûn, ku gelek aktîvîst û lêkolîner li salonê amade bûn.
Di çalakiyê de li ser konfederalîzma demokratîk, bûyerên siyasî yên rojane yên li Rojhilata Navîn, pêvajoya siyasî ya li Kurdistanê, her wiha li ser Jineolojiyê nîqaşên berfireh hatin kirin.
Diego Castro di axaftina xwe de işaret bi mîrateya fikrî ya Rêber Apo kir, bi taybetî jî girîngiya analîzên Rêber Apo yên li ser veguherîna civakî û dewletê destnîşan kir.
Diego Castro got, “Analîzên Abdullah Ocalan ên li ser dewletê gelekî bala min dikişînin û herî zêde jî nirxandinên li ser rola şoreşê balkêş e. Nirxandinên têkildarî şoreşê ku nîşan dide bê civak çawa dikare kapasîteya xwe, rêveberiya xwe bi dest bixe, pir girîng in.”
Castro destnîşan kir ku parêznameyên Rêber Apo bêyî ku bêne kopykirin li nava civakên cuda li gorî şert û mercên wan jinûve dikarin bêne şîrovekirin û bicihanîn.
