Meclisa Xweseriya Demokratîk a Şengalê bi boneya Cejna Êzî daxuyaniyeke nivîskî da. Di daxuyaniyê de Cejna Êzî di şexsê cangorî mam Zekî û Seîd Hesen û Dijwar de li hemû cangoriyên Êzdîxanê û azadiyê, malbata şehîdan, qurbaniyên Fermana 74’an û li tevahiya civaka Êzidî pîroz kir.
Di daxuyaniyê de ev tişt hatin parvekirin:
“Îro ku em li ser axa Şengalê çanda xwe pêk tînin û pîroz dikin, ya herî bi wate ew e ku wê bibe bersiv ji dijminan re. Her wiha wê bibe xwedîderketina li berxwedan û dîroka civaka Êzidî û bicihanîna armancên şehîdan.
Her wiha misogerkirina xweseriya Şengalê, kar û xebata ji bona erêkirina vîn, rêveberî û parastina civaka me ya Şengalê û vegera gelê me ser axa xwe ye.
Em bi rasthatina Cejna Êzî re bang li tevahiya civaka xwe dikin ku plan û projeyên dijminan pûç bikin, xweserî û statûya Şengalê bi hikûmeta Iraqê û hêzên navneteweyî bidin qebûlkirin û misogerkirin. Rêya hebûn û siberoja me nirx, bawerî, çand û nasnameya me; di Şengala azad û xweser de derbas dibe.
Li ser vî esasî em Cejna Rojên Êzî li Rêber Apo û cangoriyên Êzdîxanê û azadiyê, qurbaniyên Fermana 74’an, li tevahiya civaka Êzdî û mirovahiyê pîroz dikin. Hemû kesên ku li dijî qirkirin û dagirkeriyê, di nava berxwedanê de n esilav dikin û dibêjin ku ev berxwedan û têkoşîn wê cejnan careke din bigihîne armanc û wateya wan. Wê bi serketina berxwedan û têkoşînê re cejn bibin; rojên tifaq, aştî, aramî, azadî, wekhevî, xweşbînî û şahiyê.”
