Navenda Ragihandinê ya Hêzên Ewlekariya Hundirîn a Herêma Bakur û Rojhilatê Sûriyeyê bi daxuyaniyekê nasnameya endamê xwe yê ku duh (12 Îlon) di êrîşa li bajarokê Dirinc ê Dêrazorê şehîd bibû, eşkere kir.
Di daxuyaniyê de hate gotin: “Endamekî hêzên me yên kantona Dêrazorê duh (În 12 Îlon) dema wezîfe û erka xwe ya parastina ewlehiyê bi cih dianî, di êrîşeke terorî ya nemerdane ya li dijî benda kontrolê ya hêzên me de gihişt asta şehadetê.”
Li gorî daxuaniyê, agahiyên der barê nasnameya şehîd de wiha ne:
Nav û paşnav: Îsmaîl El Etallah
Navê dayikê: Fida
Navê bav: Ewad
Cih û dîroka jidayikbûnê: Bisêra 1987’an
Cih û dîroka tevlêbûnê: Bisêra 17’ê Nîsana 2019’an
Cih û dîroka şehadetê: Dirinc 12’ê Îlona 2025’an.
Di dawiya daxuyaniyê de sersaxî ji Hêzên Ewlekariya Hundirîn û malbata şehîd Îsmaîl El Etallah re hat xwestin û heya mîsogerkirina ewlehiyê li Bakur û Rojhilatê Sûriyeyê soza domandina rêya şehîdan hate dayîn.
Navenda Ragihandinê ya Hêzên Ewlekariya Hundirîn duh bi daxuyaniyekê ragihandibû ku çekdarên nenas êrîş birin ser bendeke kontrolê ya hêzên wan a li bajarokê Dirinc ê gundewarê Dêrazorê. Li gorî daxuyaniyê Hêzên Ewlekariya Hundirîn bersiva êrîşê dane û di encamê de pevçûn derket. Di daxuyaniyê de hate diyarkirin ku di encama êrîşê de endamekî wan şehîd bûye û du jî birîndar bûne.
