Nûçegîhana JinNewsê Oznur Deger jî di nav de Mîthan Yilmaz, Lokman Aslan, Ziynet Algan û Hîlal Çelîk li navçeya Qoser a Mêrdînê îro di serdegirtin malan de bi êşkenceyê hatin binçavkirin. Oznur Deger ku berovajî hat kelepçekirin û binçavkirin, piştî kar û barên li emniyetê sewqî edliyeyê hat kirin. Oznur Deger bi daxwaza girtinê sewqî dadgeriyê hat kirin.
Dadgeriyê ku îfadeya Oznur Deger girt, biryara girtinê da. Oznur Deger dema ji salonê hat derxistin, biryara girtinê bi dirûşmeya ‘Çapemeniya azad nikare bê bêdengkirin’ protesto kir. Devê Deger ji aliyê polîsan ve hate girtin.
Mîthan Yilmaz, Lokman Aslan piştî lêpirsîna dozgeriyê hatin berdan. Ziynet Algan û Hîlal Çelîk jî bi şerta kontrola edlî hatin berdan.
Rojnamevan Oznur Deger şandin girtîgehê.
