Pêşnûme qanûna “Xurtkirina Yekbûna Civakî û Piştevaniya Mîllî” ku di çarçoveya “Pêvajoya Aştî û Civaka Demokratîk” de hate amadekirin, wê sibe bikeve rojeva Civata Giştî ya Meclîsa Milet a Mezin a Tirkiyeyê (TBMM).
Pêşnûmeya ku bi giştî ji 12 xalan pêk tê, 5’ê Tebaxê bi îmzeya 367 parlamenteran pêşkêşî Serokatiya Meclîsa TBMM’ê hatibû kirin. Pêşnûme 7’ê Tebaxê li Komîsyona Edaletê hate nirxandin.
Piştî civîna komîsyonê ya ji 18 saetan pêşnûme bi piraniya dengan hate qebûlkirin.
Tê payin ku pêşnûme sibe saet di 11:00 de li Civata Giştî bê nirxandin. Her wiha tê texmînkirin ku weke li komîsyonê, li Civata Gİştî jî pêşnûme bi piraniya dengan bê qebûlkirin.
