Navenda Ragihandina Hêzên Sûriya Demokratîk (QSD) bi daxuyaniyekê nasnameya fermandarê TOLˊê şehîd Gênco Gundik ragihand.
Di daxuyaniyê de wiha hat gotin:
“Em QSDˊê bi serbilindî sersaxiyê didin malbata fermandarê TOLˊê şehîd Gênco Gundik (Ebdullah Remedan) kurê Dêrikê ku di 1999ˊan de ji dayik bûye.
Gênco di nava malbateke welatparêz a ji gundê Gundik ê girêdayî Dêrikê de hatiye dunyayê. Di derûniya wî de hestê neteweyî yê rast, nirxên aîdetbûn û berpirsiyarî li hember gel û welatê wî ji biçûkaniyê de hatiye çandin. Bi zêdebûna bûyerên li Sûriyeyê bi giştî û li Rojava bi taybet re û gurbûna êrişên terorîst ên rêxistina DAIŞˊê li dijî herêmên me Gênco bê teredud erkên xwe pêk anî û ji 2015ˊan ve tev li eniyên şoreşê bû.
Di rêwîtiya wî ya têkoşînê de tev li gelek hemleyên leşkerî bûye. Di şerê rizgarkirina Reqa, Dêrazor, Serêkaniyê û Şengalê de cihekî girîng girtiye. Her wiha li gelek deverên cuda yên Bakur û Rojhilatê Sûriyeyê mîna Dêrik, Hol, Şedadê û Hesekê cihê xwe di nava YAT û TOLˊê de bi hevkariya hêzên Koalîsyona Navneteweyî erkên xwe pêk anîne. Bi pisporî û wêrekiya xwe dihat naskirin, bi fermandarî û şervantiya xwe di operasyonên li dijî şaneyên rêxistina DAIŞˊê de roleke aktîv lîstiye.
Gênco Gundik di 18ˊê Çileya 2026ˊan de dema bersiv dida êrişên komên Şamê yên li dijî herêmên me, li ser rêya Spî ya navbera Hesekê û Reqayê gihîşt şehadetê.
Em QSDˊê di demekê de sersaxiyê didin hevrê û malbata şehîd Gênco û tevahî malbatên şehîdan em soz didin tevahî şehîdan ku li ser şopa wan bin û bi wefedarî û fedakariya wan re dilsoz bin heta ku daxwazên gelê me yên azadî, rûmet û jiyana biewle misoger dibe.
Agahiyên der barê nasnameya şehîd de wiha ne:
Nasnav: Gênco Gundik
Nav û paşnav: Ebdullah Remedan.
Navê dayikê: Ciwêze
Navê bav: Mistefa
Cihê jidayikbûnê: Dêrik
Cih û dîroka şehadetê: Reqa-Rêya Spî, 18ˊê Çileya 2026ˊan.”
