Rêveberê Ragihandinê yê Balafirgeha Navneteweyî ya Silêmaniyê Dana Mihemed Seîd der barê destpêkirina seferên hewayî yên Tirkiye ya ji bo balafirgeha Silêmaniyeyê ji bo medya navxweyî re agahî parve kir.
Dana Mihemed got, yekem sefera geştên asmanî ya di navbera balafirgeha navneteweyî ya Silêmanî û Tirkiyeyê de jinûve destpê dikin. Dana got, piştî rakirina qedexeyê sibe saet di 01:00’ê de, sefera yekem a balafira Tirkiyeyê digihîje Silêmaniyê.
Dana Mihemed da zanîn ku wê heftiyê 4 rojan seferên di navbera Silêmanî û Tirkiyeyê de pêk bên.
Hêjayî gotinê ye dewleta Tirk di 3’yê Nîsana 2023’yan de qedexe danî ser balafirgeha Silêmaniyeyê. Bi qedexeyê re seferên asmanî yên di navbera Silêmanî û Tirkiyeyê de hatin rawestandin.
Di 15’ê Cotmeha 2025’an de jî dewleta Tirk qedexeya li ser balafirgeha Silêmaniyeyê rakir.
