Di daxuyaniyan de hate destnîşan kirin ku berxwedana Jîna Emînî li seranserê cîhanê ji bo têkoşîna jinan bûye çavkaniya îlhamê.
TJA: VEGUHERIYA SERHILDANÊ
Tevgera Jinên Azad (TJA), diyar kir ku felsefeya ‘Jin Jiyan Azadî’ ji bo jinan veguherî dirûşmeyek gerdûnî û got ku jinan ‘Li dijî rejîme meleyan dengê azadiyê li kolanan bilind kirin.” Di daxuyaniyê de hat gotin, “Têkoşîna jinê ya li dijî feodalîzm û kapîtalîzmê bi çalakî û pêşengiya rêxistinkirî yên jinên Kurd ên bi dirûşmeya ‘Jin, Jiyan, Azadî’ xwe îsbat dike.”
TJA’yê, her wiha destnîşan kir ku ev têkoşîn ji bo jinan li erdnîgariyeke berfireh ji Îranê heta Hindîstan, Efganîstan û Pakîstanê bûye çavkaniya îlhamê.
TULAY HATÎMOGULLARI: BERXWEDAN SÎNORAN DERBAS KIR
Hevseroka Giştî ya DEM Partiyê Tulay Hatîmogullari li ser hesaba xwe ya medyayê ev tişt parve kir: “Berxwedana ku bi porê Jîna destpê kir li dijî rejîma meleyan tevahiya sînoran derbas kir. Silav li jinên ku ji bo azadiyê dengê xwe bilind dikin.”
ÇÎGDEM KILIÇGUN UÇAR: HEMÛ REJÎMÊN ZORDAR WÊ JÎNAYAN LI PÊŞBERÎ XWE BIBÎNIN
Hevseroka Giştî ya DBP’ê Çîgdem Kiliçgun Uçar jî ev tişt gotin, “Her rejîmeke zordar a ku azadiya jinê dike hedef, wê Jînayan li pêşberî xwe bibînin. Têkoşîna hevgirtî ya jinan wê hem li Îranê û hem jî li seranserê Rojhilata Navîn pergala desthilatdar a mêr têk bibe. Têkoşîna Jîna ya azadiyê, ji bo me pêşengiyê dike.”
