Şaxa Stenbolê ya Komeleya Mafên Mirovan (ÎHD) ji bo bal bikişîne ser rewşa girtiyên nexweş, çalakiya 697’an a “Rûniştina F” li ber avahiya komeleyê lidar xist. Gelek parêzvanên maf beşdarî çalakiyê bûn û bal kişandin ser rewşa girtiyê nexweş Resul Baltaci yê li Girtîgeha Girtî ya Tîpa T a Duzceyê tê ragirtin.
Di çalakiyê de pankartên “Bila girtiyê nexweş Resul Baltaci were berdan” û “Tedawî maf e, nayê astengkirin” û wêneyên girtiyên nexweş hatin hildan. Rêveberê ÎHD’ê Nîmet Tanrikulu daxuyanî xwend.
Înîsiyatîfa Azadî ji Girtiyên Nexweş re, têkildarî binpêkirinên li girtîgehan di hefteya 569’an a çalakiya xwe de, li Caddeya Sakarya hatin ba hev û daxuyanî dan. Înîsiyatîfê vê hefteyê bal kişand ser rewşa girtiyê nexweş Yildirim Demîr ê ku 29 sal in li Girtîgeha Tîpa F a Boluyê tê ragirtin. Di daxuyaniyê de dirûşmeyên “Tedawî maf e, nayê astengkirin” û “Bila girtiyên nexweş bên berdan” hatin berzkirin.
