Li gorî nûçeya ajansa fermî KCNA’yê, Koreya Bakur roja Yekşemê yekem ceribandina xwe ya fuzeyî ya sala 2026’an pêk anî. Ceribandin du roj piştî girtina Serokê Dewletê ya Venezuela Nicolas Maduro ji aliyê DYE’yê ve, pêk hat.
Pyonyang demek dirêj e DYE’yê bi hewldana hilweşandina hikûmeta xwe tawanbar dike û bernameyên xwe yên leşkerî û nukleerî wekî eniyek li dijî vê gefê digire dest.
KCNA’yê, ragihand ku di ceribandinê de pergalek çekan a nû bi karanîna fuzeyên hîpersonîk ku cara yekem di Cotmeha sala bihorî de hatine ceribandin hatiye pêkanîn.
Li gorî KCNA’yê ragihandiye Kim Jong Un, diyar kir ku sedema ceribandinê “krîzên jeopolîtîk ên dawî û rêveçûnên navneteweyî yên tevlihev” in.
Kim Jong Un, got ku Koreya Bakur di van demên dawî de di amadekirina hêzên xwe yên nukleerî de ji bo “şerê rastîn” “pêşketineke xurt” bi dest xistiye.
Pyongyang, operasyona DYE’yê ya ji bo girtina Serokê Dewletê yê Venezuelayê Maduro bi tundî şermezar kiribû.
Wezareta Karûbarên Derve ya Koreya Bakur, operasyona ragirtina Maduro wekî mînakek ji “karakterê hovane û rêbir” yê DYE’yê û “êrîşek giran” li ser serweriya Venezuelayê bi nav kir.
KCNA’yê, diyar nekir ku çend fuze hatine avêtin, lê got ku fuze li hedefên ku bi qasî hezar kîlometre dûrî Deryaya Japonyayê ne, ketine.
