Suleyman Yildiz ku di sala 1993’an de hate girtin û cezayê muebetê lê hat birîn, piştî 33 salan beriya 2 rojan ji Girtîgeha Girtî ya Tîpa T ya Hejmar 2’an hate berdan.
Yildiz îro hat navçeya Toroslar a Mêrsînê. Bi pêşengiya Komaleta Alîlarî û Piştevaniyê bi Malbatên Girtî û Hikûmxwaran re (TUAY-DER) serdana mala Yildiz hat kirin.
Hevseroka Şaxa Mêrsînê ya TUAY-DER’ê Adalet Kuran li vir axaftinek kurt kir û wiha got, “Em kêfxweşin ku me piştî 33 salan hevalê xwe Suleyman Yildiz di nava xwe de dît. Hêvdî dikim ku di serî de Rêberê Gelê Kurd Abdullah Ocalan, hemû girtî bi awayekî azad di nava me de bin.”
Suleyman Yildiz ê ku hat berdan jî wiha got, “Ez kêfxweşim ku piştî 33 salan ez di nava we de me. Girtiyên li girtîgehê her çiqas ji milekî ve fikar jî bin, morala wan bilind e ku li dijî êrîşên li ser Rojava di dîrokê de cara ewil yekîtiyeke neteweyî ya ewqas mezin pêk hat. Divê ev yekîtî mayîndetir bibe û yekîtiya neteweyî pêk bîne. Silavên hemû hevalên girtî hene.”
