Gerîlaya Tevgera Azadiyê ya Kurdistanê Zîlan (Zeynep Kinaci) li Rojavayê Kurdistanê bi çalakiyên cihêreng têne bîranîn. Yek ji wan jî festîval in ku bi navê Zîlan tê lidarxistin.
Festîvala Şehîd Zîlan a li Kobanê ku îsal cara 6’emîn pêk tê, bi dirûşma “Di komînalbûnê de bi îdîa, di Zîlanbûnê de bi israr” ji aliyê Yekîtiya Jinên Ciwan ên Kobanê ve tê lidarxistin.
Festîvala ku bi heman armancê 29’ê Hezîranê li Qamişloyê destpê kir, di roja duyemîn de dewam dike.
Festîvala li Kobanê ê danê êvarê saet di 17:30’î de li Stadyûma Şehîd Bawer Agir destpê bike.
Berdevka Tevgera Ciwanên Şoreşger Firyal Mistefa li ser festîvalê û bîranîna şehîd Zîlan axivî û got, “Li seranserê Rojavayê Kurdistanê ev festîval tê lidarxistin. Şehîd Zîlan ji bo me xeta jin a azad e. Ew ji bo me jina azad e, canê xwe feda kir.”
Firyal Mistefa destnîşan kir ku ew li pey xeta şehîd Zîlan in û bi vê sekna xwe bû xeta îlhamê ji tevahiya cîhanê re.
Berdevka Tevgera Ciwanên Şoreşger got, “Zîlan bû Xwedawenda jinê. Rêber Apo ev tespît kir.” Firyal Mistefa diyar kir ku wê heta dawiyê li ser xeta Zîlan bin.
