Fermandariya Yekîneyên Berxwedana Şengalê (YBŞ) bi boneya 12’emîn salvegera fermana 3’yê Tebaxê daxuyaniyek nivîskî weşand. YBŞ’ê di daxuyaniya xwe de got; ‘‘Em wek YBŞ’ê soza xwe ya ji bo cangorî û gelê xwe nû dikin ku em ê dilsozê xwîn û qurbaniyên wan bimînin û dê erkê xwe yê parastina Şengalê û civaka Êzidî û hemû pêkhateyên Iraqê bi cih bînin û ji bo pêşerojek ku trajediyên berê qet dubare nebin tekoşîna xwe dewam bikin.’
Daxuyanî wiha ye:
‘‘Di salvegera 12. a 3’yê Tebaxa 2014’an de, em rûpelekî bi êş di dîroka gelê xwe de, bibîr tînin, roja ku hêzên tarî û çete hewldan îradeya Êzidiyan bişkînin û koka wana biqelînin. Lê tiştê ku qewimî ne dawiya gelekî bû, lê destpêka qonaxek nû ya berxwedan û serîrakirinê bû, ji ber ku gelê Êzidî ji bo parastina axa xwe, rûmeta xwe û mafê xwe yê jiyanê xwe ji xweliya xwe ava kir.
Di 3’yê Tebaxa 2014’an de, civaka Êzidî rastî sûcên herî hovane yên çeteyên DAIŞ’ê hat, piştî ku gelê me li hember makîneyên kuştin, kolekirin, destdirêjî, firotin û koçberiyê bêparastin ma. Komkujî hatin kirin, jin dîl hatin girtin, zarok hatin revandin û bi sed hezaran mirovên me di hewldanek sîstematîk de ji bo koka Êzidiyan qelandin û ji holê rakirina hebûn û nasnameya wan hatin koçber kirin.
Tebax di bîra gelê me de ne mehek asayî ye; ew mehek êş, berxwedan û cangoriya ye, mehek hem trajediyan û hem jî serkeftinane. Di vê mehê de îradeya berxwedana Êzidiyan ji dayik bû û ji kûrahiya êşê, Yekîneyên Berxwedana Şingalê (YBŞ) hatin damezrandin, dema ku kur û keçên Şingalê biryar dan ku parastina hebûn û rûmeta wan berpirsiyariyek dîrokî ye ku nayê berdan.
Vê mehê, em komkujiya gundê Koço, bombebarankirina Tilizir û Sîbayê û hemî sûcên din ên ku gelê me armanc girtin jibîr nakin. Her wiha em meş û çirûska berxwedanê ya ku Şengal ji cihekî qirkirinê veguherand sembolek berxwedan û biryardariyê bi bîr tînin.
Em li ber canê cangoriyên xwe yên ku bi xwîna xwe rûpelên geş di dîroka gelê me de nivîsandine, ji cangoriyên berxwedana Sîbayê û Girzerik heya rêber û pêşengên me yên hêja Mam Zekî, Seîd Hesen, Dilşêr Herekol, Egîd Civyan, Berfîn Nûrhaq û Nûjînan, Feraşînan, Dijwaran, Zerdeştan, Çekoyan, Xêyriyan û hemû cangoriyên berxwedan û azadiyê, bi rêzdarî bibîr tînin. Wan Şengal, rûmeta gelê Êzidî û mafê wan ê jiyanê parastin û navên wan dê bibin çirayek ku nifşên pêşerojê ber bi rêya azadî û seqamgîriyê ve dibe, bike.
Di vê salvegerê de, em spasî û teqdîra xwe ya kûr ji bo hemû kesên ku di şert û mercên herî dijwar de li kêleka gelê me sekinîn, di serî de hêzên YPG û YPJ, û hêzên gerîla yên HPG û YJA STAR, ku beşdarî vekirina korîdora mirovî û rizgarkirina bi deh hezaran sivîlan ji gefa qirkirinê bûn, diyar dikin. Her wiha em hemû kesên ku xwîna xwe ji bo parastina Şengalê rijandin û hemû kesên ku alîkariya gelê me kirin silav dikin. Em bi rêzgirtinek kûr Rêber APO silav dikin, ku li kêleka doza gelê me sekinî û ramanên wî di demên herî dijwar de çavkaniya berxwedan, rêxistin û hêvî bûn bû ji bo me.
Piştî 12 salan, xeterî dewam dikin û şêweyên nû digirin. Hin kes û alî hene ku dixwazin bi daxwaza bêçekkirina Êzidiyan û hilweşandina Hêzên Xweparastinê yên Êzidiyan, mafê wan ê rewa yê parastina xwe ji destê Êzidiyan bigirin. Hewldana qelskirina şiyana parastina xwe ya gelê me, di bin şert û mercên tevlihev ên ku herêm pê re rû bi rû ye, ne rêyek ber bi aramiyê ve ye, lê belê dubarekirina şert û mercên beriya fermana 3’ê Tebaxê ye û deriyê xetereyên qirkirinek nû vedike.
Ezmûnan îspat kiriye ku hêzên xwe parastina Êzidiya qet nebûne amûrên êrîşkariyê, lê belê bûne mertalek ji bo parastina mirovahî, ax û nasnameyê û rêgirbûn li pêşiya dubarebûna trajediya ku gelê me kişandiye. Ewlehî û aramiya Şengalê tenê bi îradeya gelê Şengalê bi xwe û bi rêzgirtina mafê wan ê parastina hebûn û rûmeta wan dikare were bidestxistin.
Bi berçavgirtina guhertinên bilez ên li herêmê, em piştrast dikin ku bûyerên heyî gelek nîşanên serdema beriya qirkirina 3’ê Tebaxa 2014’an hildigirin, ku asta herî bilind a hişyarî û berpirsiyariyê pêwîst dike. Ji ber vê yekê, em bang li hemû endamên civaka Êzidî dikin, bêyî ku girêdayîbûn an meyla wan çi be, ku bibin yek û bi hev re bisekinin, qenciya hevpar bidin pêşiyê û hemû sedemên parçebûn û nakokiyê ji bidin aliyekî. Helwestek yekgirtî ya Êzidî garantiya bingehîne ji bo rûbirûbûna xeteriya û dijwariyan. Hişyarî û yekîtiya civakê, digel parastina şiyanên xweparastinê, astengiyeke neguhêzbar li dijî her hewldanek ji bo dubarekirina trajediyê an jî rûbirûkirina gelê me bi xetera qirkirinek din re pêk tînin.
Di dawî de, em wek YBŞ’ê soza xwe ya ji bo cangorî û gelê xwe nû dikin ku em ê dilsozê xwîn û qurbaniyên wan bimînin û wê erkê xwe yê parastina Şengalê û civaka Êzidî û hemû pêkhateyên Iraqê bi cih bînin û ji bo paşerojek ku trajediyên berê qet dubare nebin têkoşîna xwe dewam bikin.’’
