Keştiya Koalîsyona Fîloya Azadiyê (Freedom Flotilla Coaliton -FFC) ku dixwest alîkariyê bigihîne Xezeyê ya ku di bin êrîş û dorpêça Îsraîlê de ye, doh (9’ê Hezîranê) ji aliyê Îsraîlê ve hatibû desteserkirin û 12 aktîvîst hatibûn binaçvkirin. Keştiya Madleenê piştre li gel keştiyên şer ên Îsraîlê birin Bendergeha Aşdodê ya Îsraîlê.
Wezareta Karên Derve ya Îsraîlê li ser platforma X’ê daxuyaniyek da û ragihand ku aktîvîstên li keştiya ku weke ‘Keştiya Selfîe’ pênase dikir, ji bo vegerînin welatê wan birine Balafirgeha Ben Gurionê. Di daxuyaniyê de hate gotin, “Tê payin ku çend ji rêwiyan di nava çend saetan de biçin. Yên ku îmzekirina belgeyên dersînorkirinê û terikandina Îsraîlê red dikin jî li gorî qanûnên Îsraîlê ji bo bêne dersînorkirin wê derxînin pêşberî meqamên dadgeriyê. Li balafirgehê konsolosên welatan rêwî pêşwazî kirin.”
