Parlamenterên Partiya Demokrat DYE’yê siyaseta “bêdengiya fermî” ya demdirêj a derbarê bernameya nukleerî ya Îsraîlê de anîn rojevê. 30 endamên Demokrat ên Meclîsa Nûneran di nameyekê de ku ji rêveberiya DYE’yê re hatiye şandin de daxwaz kirin ku kapasîteya çekên nukleerî yên Îsraîlê li ber raya giştî nas bikin.
Nameya ji bo Wezîrê Karên Derve yê DYE’yê Marco Rubio hatiye nivîsandin. Demokratan diyar kirin ku ji bo polîtîkayeke bêçekkirina nukleerî ya domdar li Rojhilata Navîn bê meşandin, divê derbarê kapasîteya nukllerî ya Îsraîlê de zelal bin.
Îsraîlê ti carî fermî hebûna çekên nukleerî qebûl nekiriye û ne alîgirê peymanên navneteweyî ye ku armanc dikin pêşî li belavbûna çekên nukleerî bigirin. Lê di nava derdorên herêmî û navneteweyî de tê bawerkirin ku welat xwediyê serikên nukleerî ye.
Di nameyê de hat bibîrxistin ku DYE bi awayekî vekirî bernameyên nukleerî yên welatên wekî Brîtanya, Fransa, Hindistan, Pakistan, Rûsya, Çîn û Koreya Bakur nas dike û hat diyarkirin ku divê heman nêzîkatî ji bo Îsraîlê jî were nîşandan.
Li gorî pisporan, ev hewldan tê wateya ku li Washingtonê “şikandina tabûyek” demdirêj e.
Ev hewldana Demokratan nîşan dide ku nêzîkatiya partiyê ya li hember siyaseta Îsraîlê diguhere
Di nameyê de her wiha hat destnîşankirin ku ji bo ku DYE siyasetek domdar li ser bernameya nukleerî ya Îranê û planên enerjiya nukleerî yên Erebistana Siûdî bimeşîne, divê bi heman şefafiyê nûzîkî Îsraîlê bibe.
