Bi sedan kes ji şêniyên Kobanê, endamên saziyên Rêveberiya Xweser, partiyên siyasî û rêxistinên jinan, şervanên YPG`ê Milîtan Rojava (Mihemed Hisên Xeşo) ku 17`ê Çileya 2026`an li Reqayê, Çiyager Armanc (Yezen Mihemed) ku 17`ê Çileya 2026`an li Reqayê, Mazlûm Efrîn (Mihemed Casim) ku 20’ê Çileyê li Tebqayê, Şoreş (Mehmûd Hec Elî) ku 18`ê Çileyê li Çelebiyê û Egîd Cemal (Miseb El Mihemed) ku 20`ê Çileyê li Reqayê şehîd bûbûn, îro bi merasîmeke bi heybet oxir kirin.
Her wiha şervanên YPG`ê Şiyar Kobanê (Waêl Bozo) ku 25`ê Çileyê il gundê Qasimî, Baran Êlecax (Mistefa Mehmê) ku 25`ê Çileyê li gundê Qasimî, Fûrat Memît (Hemîd Mihemed) ku 18`ê Çileyê li Reqayê, şervanên Hêzên Komandos Qehreman Kobanê (Dirwar Şêxo) ku di 17`ê Çileyê li Meskenê, Qehreman Xelîl (Azad Xelîl) ku 18`ê Çileyê li Tebqayê, Xeyal Kobanê (Henîf El Ehmed) ku 17`ê Çileyê li Meskenê, şervana YPJ`ê Stêrk Rojhat (Nisrîn Xelîl) ku 18`ê Çileyê li Dêrazorê şehîd bûbûn, hatin bibîranîn.
Endama Meclisa Jinan a Meclisa Malbatên Şehîdan a Kantona Firatê Hîba Memo sersaxî ji malbatên 12 şehîdan re xwest û diyar kir ku ew ê şopdarên şehîdên xwe bin û wiha got: “Em ê bi hemû hêza xwe li ber xwe bidin û xewn û xeyalên şehîdên xwe ta azadiyê pêk bînin.”
Ji fermandarên QSD`ê Kanî Ehmed jî diyar kir ku divê her kes rabe ser piyan û ji bo doza azadiyê têkoşînê bike û wiha got: “Em ê li ber xwe bidin û şopdarên rêya şehîdên xwe bin. Divê kes di malên xwe de nemîne, bila derkevin û ji bo azadiyê têkoşînê bikin. Em wek QSD, em ê li ber xwe bidin û gelê xwe ji dijmin biparêzin.”
Kanî Ehmed soz da ku ew ê xwedî li mîrateya şehîdan derkevin, şopdarên rêya şehîdan bin û destketiyên şoreşa azadiyê biparêzin.
Piştî axaftinan wesîqeyên 12 şehîdan hatin xwendin û radestî malbatên wan hatin kirin.
Cenazeyên 5 şehîdan bi tilîliyan û dirûşmên “Şehîd namirin” hatin veşartin.
