Trump li Qesra Spî derket pêşberî çapemeniyê û diyar kir ku bi Rûsyayê re li hev kiriye û got, “Em neçar in bi Zelenskiy re li hev bikin, lê belê heta niha ev yek hîn zehmet bû.”
Ev daxuyanî piştî hevdîtinên roja Çarşemê yên li Londonê û hefteya derbasbûyî li Parîsê hate dayin.
Donald Trump hempîşeyê xwe yê Ûkraynayî sûcdar dike ku hevdîtinên ji bo bidawîkirina şerê Sibata 2022’an ji aliyê Rûsyayê ve hate destpêkirin, asteng dike.
Trump hişyarî da eger Kîev ji bo bidawîkirina şer şertên DYE’yê qebûl neke wê ev yek tenê mirina mirovan zêde bike.
Di navenda vê rageşiya nû de meseleya nîvgirava Qirimê heye ku sala 2014’an ji aliyê Rûsyayê ve hate desteserkirin.
Li gorî Donald Trump ev xak ji bo Ûkraynayê hatiye windakirin. Trump li ser medya dîjîtal Truth Social peyameke dirêj weşand, nîqaşa dîrokî ya dawiya meha Sibatê ya li Oval Ofîsê bi Serokdewletê Ûkraynayê re kir, bi bîr xist.
Serokê Emerîkayê ji bo hempîşeyê xwe yê Ûkraynayî got, “Ya wê aştiyê pêk bîne, yan jî beriya ku temamiya welat winda bike sê salên din jî şer bike.”
Trump got, “Em gelekî nêzî lihevkirinê ne lê belê ev zilamê ku qert di destê wî de nîne divê êdî bigihêje encamekê.”
Rûsya dixwaze Donetsk, Lûhansk, Herson û Zaporîjjîa jê re bimîne. Ev yek jî ji sedî 15 ê xaka Ûkraynayê ye.
