Betalkirina rêziknameya ku Sibata 2024’an ji aliyê serokê berê Joe Biden ve dema ku nîqaşên derbarê êrîşên Îsraîlê yên li Xezeyê de gihiştibûn asta herî bilind hatibû qebûlkirin, ji aliyê Serokê Komîteya Karên Derve, Senatorê Komarparêz Jim Rische ve wek ‘nûçeyeke newaze’ hat îlankirin.
Rêveberiya berê ya ku di bin zexta nûnerên demokrat de yên ku bikaranîna çekên Amerîkayê li Xezeyê ji aliyê Îsraîlê ve şermezar dikirin, ji welatên ku alîkariya leşkerî digirin daxwaz kiribû ku derbarê rêzgirtina mafên mirovan de pêbaweriyeke ewledar pêşkêş bikin.
Li gor nûmeya Washington Postê ya ku dispêre çend çavkaniyên nêzî rêveberiya DYA’yê û nota Şêwirmendên Ewlehiya Netewî Michael Waltz, rêziknameya ku wek NSM-20 dihat nasîn hat betalkirin.
Christopher Le Mon ku di serdema Joe Biden de di Wezareta Karên Derve de berpirsiyarê mafê mirovan bû, di hevpeyvîna xwe ya Washington Postê de wiha got: “Tekane tişta ku rêveberiya Trump bi betalkirina NSM-20’ê ew e ku ji hevkarên Amerîkayê re dibêje ku ne xema rêveberiyê ye çekên Amerîkayê çawa tên bikaranîn; her çiqas derhiqûqî û derexlaqî be jî.”
