Berxwedana gelên Kanîreş a Çewligê û Gimgim a Mûşê li dijî projeya Santrala Enerjî ya Jeotermalê (JES) berdewam dike. Tê payîn ku sondajên yekem ên ji bo projeyê ku wê ji hêla şîrketa IGNIS H2 ve were kirin, dest pê bikin. Li Gimgimê çalakiya kon a ku ji hêla gel ve hatiye destpêkirin di roja 19’an de berdewam dike û di heman demê de platforma ku ji hêla gelê Kanîreşê ya ku li dijî projeyê hatiye ava kiriye xwe bi rêxistin dike.
RAPORA NÊRÎNA PISPORAN HAT AMADEKIRIN
Gel naxwaze proje were çêkirin û gelek caran tînin ziman ku proje wê avaniya xwezayî ya herêmê xira bike û wê gel neçarî koçberiyê bike. Rapora nerîna pisporan a li ser vê mijarê hatiye amadekirin berteka gel a li dijî projeyê piştrast dike. Endezyarê Jeolojiyê Dr. Eşref Atabey ê ku li dijî projeya JES’ê ya hewl didin li gundê Ilipinar ê Kanîreşê bê çêkirin, rapora nerîna pisporan amade kir. Di raporê de balê dikşîne ser bandorên zirara ku wê projeyê li ser jiyana zindiyan. Di raporê de hişyarî da ku pêkanîna projeyê wê li herêmê rê li ber hezaz û pêlên sîsmîk veke.
DI RAPORÊ BAL KIŞAND SER HEMÛ RÎSKAN!
Di nêrîna pisporan a ku ji hêla endezyar ve hatiye amadekirin de tê gotin ku proje wê hem gelê herêmê neçarî koçberiyê bike û hem jî bibe sedema xetereyên erdhej û hezazê. Di raporê de li ser gelek mijaran tê rawestandin û balê dikişîne ser çavkaniyên ava paqij ên li herêma projeyê. Di rapora 21 rûpelan de îdiaya dabînkirina kar ji bê gelê herêmî wiha hat bersivandin: “Ev daxuyanî armanc dike ku têgihîştinê biafirîne û ti têkiliya wê bi rastiyê re tuneye.”
ENCAM: WÊ GELÊ HERÊMÊ NEÇARÎ KOÇBERIYÊ BIKE!
Di dawiya raporê de ev tişt hatin parvekirin: “Li qada ku gundên Kanîreşê digire nav xwe ji bo xebitandina santrala jeotermal ava germ were dîtin wê Santrala Elektirkê ya Jeotermalê were avakirin. Bê guman, biyanî yan xwecihî ferq nake wê ji hêla şîrketên taybet ve were bikaranîn. Elektrîka were hilberandin wê bidin pergala enterkonnekteyê, bi bihayek bilind bifroşin we û hûn ê gazên jehrîn û bêhnvedanê yên ji santralê derdikevin nefes bigirin. Hûn ê di bin bandora gaza radonê ya kanserojen, asîda sulfurîk, dîoksîta sulfur û hîdrojen sulfurê de bimînin. Zeviyên we, axa we û sebze û fêkiyên ku hûn dixwin wê bi metalên giran, arsenîk, florur ên ku ji santralê derdikeve qirêj bibin û erdê we dê bibe beton. Kulîlk êdî li zevî û çêregehan wekî berê şîn nabin, mêşhingiv dê nikaribin nektara kulîlkan berhev bikin, wê nexweşî dest pê bikin û hûn ê neçar bimînin ku ji axa ku hûn lê ji dayik bûne, mezin bûne koç bikin.”
