Li gorî agahiyên hatine girtin, sihara 13’ê Tebaxê Seîd Çomlek dema ku ji bo benzînê bistîne ji wargehê derket, êdî agahî jê nehate girtin.
Li ser vê yekê, şêniyên wargehê û Meclîsê lêgerîn dan destpêkirin. Wesayîta Çomlek derdora saet 18.20’an li seyrangeha Mexmûra jêrê hate dîtin.
Hat ragihandin ku Çomlek di wesayîtê de jiyana xwe ji dest daye.
Ji bo sedemê mirina wî were diyarkirin, cenazeye wî şandin Saziya Tiba Edlî ya Mûsilê.
Endamê Komîteya Têkiliyên Derve ya Mexmûrê Bêwar Unver anî ziman ku ti şopên lêdan yan jî birînê li ser bedena wî nehatiye dîtin û got, “Li gorî rapora tiba edlî, Mamoste Seîd ji ber krîza dil jiyana xwe ji dest daye. Lê belê lêkolîn dewam dike.”
