Berteka şêniyên taxê yên li dijî projeya GES’ê ku tê payîn li Taxa Arzoxlî yê navçeya Sûr a Amedê bê kirin, dewam dike.
Tevî nobeta konê ku 23 roj in li dijî projeyê dewam dike, veguhestina panelên rojê bi TIR’an ji bo qada projeyê, bû sedema bertekan.
Jinên ku li qada taxê li hev civiyian, heta qada projeyê meşiyan û bertekên xwe anîn ser ziman. Di dema meşê de dirûşmeyên, “Axa me ava me hebûna me ye”, “Emê bi berxwedanê bi ser bixin” û “Ji Şîrketê re Na” hatin berzkirin.
Li qada projeyê pêşiya şêniyan ji aliyê leşkeran ve hate birîn. Leşkeran destûr nedan ku welatî pêş ve biçin.
Şêniyên taxê bertek nîşanî astengkirinê dan û biryardariya xwe ji bo domandina nobeta xwe ya li dijî xebatên şîrkê dubare kirin.
