Tê ragihandin ku di gel ku polîtîkayên ewlehiyên yên li Îranê zêde dibin zexta li ser jinên girtî jî zêdetir bûye. Li gorî rapora dawîn a ji aliyê HRANA’yê ve hate weşandin, li Girtîgeha Vekilabad a Meşhedê herî kêm 30 jin di bin şert û mercên gelekî xirab de tên ragirtin.
Di raporê de hate diyarkirin ku li qawîşa ku weke ‘’Arameş’’ tê zanîn lê 23 jin tên ragirtin, 7 ji wan di beşa karantînayê de tên ragirtin; hate destnîşankirin ku li van qadan pirsgirêkên cidî yên weke kêmasiya hewadarkirinê, pirsgirêkên hijyenê, kêmasiya nivînên raketinê û astengkirina xizmetên tenduristiyê hene.
Hate îfadekirin ku beşeke jinan di dema xwepêşandanên meha Çileyê de hatine girtin û beşeke din jî piştî rageşiya Îranê ya li gel DYE û Îsraîlê hatine girtin. Hate gotin ku gelek girtî nizanin bê ka ji ber çi tên sûcdarkirin û têkildarî pêvajoyên hiqûqî nayên agahdarkirin.
Her wiha hate diyarkirin ku hin ji wan jinan di çarçoveya ‘’sûcên li dijî dewletê’’ de tên darizandin lê belê nikarin bi parêzerên xwe re hevdîtinê bikin. Li gorî raporê girtî, piştî ku demeke dirêj bi qedexeya ragihandin û hevdîtinê re rû bi rû dimînin ji beşên neguncavî mayîna mayînde ne re tên sewqkirin.
Hate îfadekirin ku bi taybetî kawîşa bi navê ‘’Arameş’’ ji ber avaniya karîzê, banê nizm û kêmasiya hewadarkirinê rê li ber derketina nexweşiyên cidî vedike û hate gotin ku di nava girtiyên ku li vir tên ragirtin de nexweşên bêhstandinê û derûnî hene.
Rêxistinên mafên mirovan diyar kirin ku kawîşa berbehs beriya niha weke qada dîsîplînê dihat bikaranîn, lê belê êdî ji bo girtiyên siyasî bûye cihê zextê û hişariyê didin ku li Îranê zexta li ser jinan zêde bûye.
