Amedekariya Mîhrîcana Fîlman a Rojava ya Navneteweyî ya 6’emîn tê kirin. Li gorî agahiyan, komîteya amadekar a mîhrîcanê hatiye diyarkirin û wê di rojên pêş de serlêdana fîlman dest pê bike.
Tê payîn ku ji qada navneteweyî jî serlêdan bên kirin û di Mijdara 2026’an de jî mîhrîcan pêk bê.
Lê hîn hejmara fîlmên beşdar bibin û bajarê mîhrîcan lê bê lidarxistin, zelal nebûye.
Mîhrîcana 5’emîn 13-20’ê Mijdara 2025’an de li Qamişloyê pêk hat. 81 fîlm û 22 senaryo beşdarî mîhrîcanê bûbûn. Ji wan 81`an, 8 navneteweyî, 21 belgefîlm, 8 fîlmên kurdî, 37 kurtefîlm û 7 fîlm ji Sûriyeyê bûn.
Mîhrîcana Fîlman a Rojava cara yekem di Mijdara 2016’an de pêk hat. Ya duyemîn di 13’ê Mijdara 2017’an de li Qamişloyê, ya 3’yemîn di Mijdara 2018’an de li Kobanê û ya 4’emîn di 13’ê Mijdara 2019’an de li Qamişloyê pêk hatibû.
