Hate ragihandin ku duh bi şev carek din bi du dronan êrîşî kampa Sûrdaş a li sînorê parêzgeha Silêmaniyê ku Kurdên Rojhilatê Kurdistanê lê dimînin, hate kirin.
Li gorî agahiyan di êrîşê de du wesayît hatine hedefgirtin, lê derbarê ziyanên canî û madî ti agahî nehatine belavkirin.
Têkildarî êrîşê ti daxuyaniyên fermî nehat dayîn.
Kampa Sûrdaş yek ji kampên niştecihbûnê ya Kurdên Rojhilatê Kurdistanê yên penaberî Başûrê Kurdistanê bûne ye. Niştecihên kampê di çarçoveya lihevkirina ewlehiyê ya di navbera hikûmeta Herêm û Iraqê li gel Komara Îslamî ya Îranê de li wir hatine bicihkirin. Piştî destpêkirina şerê di navbera Îran û Emerîka-Îsraîlê de, êrîşên bi dron û mûşekan li ser kampê hatine pêkanîn.
