Li gorî çavkaniyên ku ji kanala nûçeyan CNN’ê re axivîne, êrîşa berbehs yekem êrîşa DYE’yê ya rasterast a li dijî Venezûelayê ye.
Hate ragihandin ku êrîşa ku beriya niha ji raya giştî re nehate eşkerekirin, li dijî îskeleyeke li bendava Venezûelayê hatiye kirin. Çavkaniyan ragihand ku ev tesîs bi armanca bazirganiya tiryakê tê bikaranîn. Hate diyarkirin ku di dema êrîşê de tu kes li tesîsê nebûye û ji ber vê yekê tu kesî jiyana xwe ji dest nedaye.
Her du çavkaniyan îdîa kirin ku di çarçoveya operasyonê de Hêzên Operasyona Taybet ên DYE’yê piştgiriya îstixbaratî daye û Berdevkê Fermandariya Operasyonên Taybet ya DYE’yê Albay Allie Weiskopf jî ev îdîa red kirin. Weiskopf got: ‘’Hêzên Operasyonên Taybet, piştgiriya îstixbaratî jî di nav de tu piştgirî nedaye vê operasyonê.’’
Tê nirxandin ku li gel êrîşa berbehs wê rageşiya di navbera DYE û Serokdewletê Venezûelayê Nicolas Maduro de zêdetir bibe.
Her wiha DYE’yê beriya niha ragihandibû ku wê di çarçoveya ‘’têkoşîna li dijî tiryakê’’ de li Behra Karayîbê û li rojhilatê Pasîfîkê zêdetirî 30 keştî îmha kirine.
