Di civîna Lûtkeyê ya Civaka Siyasî ya Ewropayê (AST) ku li Êrîvanê hat lidar xistin de, Kanada û welatên Ewropî peyama yekîtiyê dan. Serokên welatên Ewropayê, biryar dan ku li dijî polîtîkayên Donald Trump bi hev re tevbigerin.
Serokwezîrê Kanadayê Mark Carney, di civînê de got ku ew cîhanek hê dijwartin qebûl nakin.
Civîn piştî biryara Emerîkayê ya vekişîna leşkerên xwe ji Elmanya pêk hat. Vê rewşê nîqaşên ewlehiyê li Ewropayê zêde kir.
Welatên Yekîtiya Ewropayê, ragihandin ku ew ê li hember van pêşketinan, parastina xwe xurt bikin.
Nûnerê Karûbarên Derve yê YE’yê Kaja Kallas, jî got ku pêdivî ye ku lingê Ewropa yê NATO’yê were xurt kirin.
Di civîna lûtkeyê de piştgiriya ji bo Ûkraynayê jî hate nîqaş kirin. Hat ragihandin ku dê alîkarî were zêdekirin.Volodymyr Zelenskyy jî daxwaza berdewamiya zextê li ser Rûsyayê kir.
Her wiha Serokwezîrê Elmanyayê Friedrich Merz û Serokkomarê Tirkiyeyê Recep Tayyîp Erdogan beşdarî civîna lûtkeyê nebûn.
